موضوع مهم جدا جدا جدا للبنات .... هيدعولي والله

[center][b]

آنستي العزيزة ....

لو ربنا فك عقدتك ... واتخطبتي ... او اذا اتجن حبيبك وعزمك

فاليك نصائحي حتي

تأخذي بخطيبك من مركب الخطوبة ةالحب اللي محدش عارف

هترسي علي اية ....

الي مثواه الاخير في قفص النسانيس ... قصدي قفص الزوجية السعيد

......

اجمل ما في الخطوبة العزومات الرومانسية ... علي احل محلات اكل في البلد

...

واللي عمرك مانتي شايفاها بعد الجواز ... المهم نصائحي للك عند اي عزومة مع حبيبك

الاول لازم تعرفي ان الشوكة والسكينة بيتمسكوا من ايدهم من الطرف

يعني مش من الوسط ولا من البوز زي الخنجر ولا من فوق طبعا

العيش اوعي تفضحينا وتقطعية بسنانك ... ولا الرغيف نصين بأيدك

وكل نص لقمة وتحشري اوعي ...العيش بيتقطع بالسكينة ف الطبق

وبعدين تاخدي لقمة ... لقمة ... بالعافية ... قال يعني نفسك مسدودة .... اضغطي علي
اعصابك جداا وبعدين لما تروحي ... ابقي كلي زي ما انتي عايزة

***********

الشوربة .... ابوس كعب رجلك ... بند الشوربة ده مهم جداااا ...

الشوربة تتشرب من غير صورت خالص ...ومن غير ما تقعدي تنفخي فيها ... زي

القهوجي اللي بينفخ في الحجر للزبون ... وطبعا عايزك تنسي تماما السلطانية اللي

بتشربيها علي بقك في البيت ... وتدلدقي علي روحك ...

بالمعلقة وبدون صوت ... سخنة ولعة برضوا بدون صوت .... وتسيبي تلت الطبق علي

الاقل ... مش تميليه علشان تلهطيها لاخر نقطة

***********

الرز طبعا بيتاكل بالشوكة ... اوعي ايدك تتمد علي المعلقة ... وتغرفي من طبق الرز

وتعبي ... اوعي ... الرز بالشوكة وكأنك بتبوسية مش بتاكليه

***********

المكرونة .... الاسباكتي ... برضه بالشوكة ... تتلف علي طرف الشوكة ... لحد ما

تخلص وبعدين تحطيها في بؤك من سكات ... مش تشفطي المكرونة عود عود

***********

السمك ... مشكلة ... شوفي ... بتفصلي اللحم عن الشوك ... ازاي ..؟؟؟

تقطعي اللحم من النص ... بالطول وبعدين تفردي اللحم ع الجانبين ولما تخلصي ناحية

ما تقلبش السمكة ... سيبك من شغل الفلاحين ده ... شيلي السلسلة بالشوكة والسكينة

وحطيها ف جنب الطبق وكملي اكل النص التاني ... وبدل الفيلم الهندي ده نصيحة ...

ماتكليش السمك خالص ...قولي ما بحبش السمك وخلصي نفسك وانا كمان هقولك حاجة

تاني غير السمك ده علشان ابتديت احس ان الموضوع اللي بكتبه ريحتة وحشة

***********

الجمبري ..... اذا كنتي عارفاه ... اول ما طبق الجمبري ينزل ... بصيله بقرف واحتكار

شديدين ... آل يعني زهقانه من كتر اكل الجمبري الجامبو في بيت بباااااااااا ... واتنهدي

جامد وقولي ... برضه ...؟؟؟

وتروحي قاطعة راس الجمبريايه ... بالشوكة ... انا في عرضك انسي المصمصة دلوقت

***********

البطاطس سواء مسلوقة او محمرة .... اوعي تهرسيها وتدبيها ع الرز وتدي لا... لا .. لا

بالشوكة حته حته وانتي زي ما تكوني هتعيطي من كتر ما البطاطس صعبانة عليكي ...

***********

الفاكهة ... لو الفاكهة فيها بذر ... طلعية من بؤك بالراحة وحطية في ايدك وهيه مقفولة ...

وبعدين في طفاية السجاير اللي علي الترابيزة ...اوعي با حبيبتي من نظام التفتفة للبذر ...

انسي ... مش عايزين نبهدل وش الراجل بالبذر

***********

وبعد ما تخلصي أكل تحطي ايدك علي بطنك ... اللي عصافيرها بتصوصو من العينات اللي

كلتيها .... وتقولي له مش ممكن انا عمري ما اتفجعت كده .... انا قدامي اسبوع هبطل اكل

فيه

وبعدين تمسكي الفوطة اللي دايماا موجودة ع الترابيزة من غير لازمة وتبوسيها ... آل يعني

بتمسحي بؤك .. وبعدين تستأذني منه لدخول التواليت لاصلاح ماكياجك

***********

واوعي تنسي نصيحة واحدة من النصايح دي ... احنا عايزين نخلص بقي ونصطاد الراجل

وندبسه بأي طريقة

ارجو ان الموضوع يعجبكوا وما فيش حد يزعل مني

مستني ردودكم

تحياتي

هههههههههههههههههههههههه
من باب التهريج الموضوع عجبنا طبعا
بس لو مش عجبه زى ماانا خلاص
مش احسن ما يتفاجى بعد كدا
وبعدين البنات مش للدرجادى بردو