أنا مش بعرف أكلم بنات ؟

هقولك تعالي يا حبيبي عند عمو السيد ملك الرومانسية
وانا هظبطك علي الاخر

خد الحاجات دية وامشي عليها وانت هتكون مية مية

كتير مننا مش بيعرف ازاي يتكلم مع البنت وأول ما يكلمها يضرب لبخه ووشه يحمر ولا يتكلم فى حاجات هايفه وطبعآ البنت تتخنق منه وتقوله أنا لازم امشي بصوا دي نصايح للولاد بالذات فى أول مقابله

1- خليك شيك طبعآ فى لبسك وطريقه كلامك .

2- خليها تتكلم هيه مش إنت يعني مش تقعد ترغي وتفتكر إنك كده بتعرف تتكلم لا البنت عايزه اللي يسمعلها .

3- إهتم بيها كلمها من وقت للتاني إطمن عليها وإسمعلها فى أي موضوع تكلمك فيه حتى لو عن غسيل المواعين .

4 - إبتعد عن الإستظراف أو الإيحائات الغير محترمه أثناء كلامك معها .

5- إياك والهزار فى وقت الجد أو لما تكون عندها مشكله .

6- إياك تقلل من تفكيرها إحترمه حتى لو غلط .

7- أوعى تحاول تعدي اللحظات الحلوه بسرعه يعني لو بتضحكوا خليك لحد ما هيه تبطل ضحك يعني سيبها تضحك براحتها مش تسكت وتبقى هيه بتضحك لوحدها .

8- تجنب الأكل معاها بالذات لو كنت مش بتعرف تاكل قدام حد علشان ما يبقاش شكلك مش كووول .

9- أوعى تقلل من حد من عيلتها حتى لو مزعلها بس برضه بتحبه يعني ما تتكلمش وحش عن باباها أو مامتها أو أخواتها .

10 - ما تتكلمش معاها فى الكوره ولا الافلام الرعب أو الأكشن ولا هدوم الولاد ولا الكمبيوتر ولا العربيات ولا عن أي بنت تانيه وأنت معاها حسسها إنك مش شايف غيرها قدامك بس .

11- أوعى تحكيلها عن حاجه تقلل منك حتى لو بتضحك بعد كده مش بتحترمك أو بتقل فى نظرها .

12- مش لازم الصراحه المباشره معاها فى الكلام خليك العاقل وخلى كلامك كبير علشان كلامك ميزان عقلك .

13- اهم حاجه ماتنساش من وقت للتاني تعاكسها تسمعها كلام حلو تهزر معاها بطريقه لذيذه .

14- إعرف الحاجات اللي بتحبها وإعملها وإتكلم معاها فيها .

15- لو طلبت منك تكلمها عن نفسك ما تفتحش فى الكلام وتحكي قصه حياتك وتخنقها لا احكي بإختصار ولازم هيه اللي تطلب منك .

16- تجنب تكرار المواضيع وماتطولش فى الكلام فى موضوع واحد بس .

17- دايمآ تغير أماكن الخروج والمواضيع اللي تتكلموا فيها البنت بتحب التغيير فى كل حاجه .

18 - قبل ماتقول الكلمه تخيل إن حد بيقولهالك وشوف رد فعلك إيه هتضحك ولا هتحترمه ولا هتضايق منه .

19- أوعى تكون بخيل معاها فى الفلوس أوفى الكلام الحلو أو فى المعامله المحترمه .

20- أوعى تنسى عيد ميلادها او تنسى تجيب لها هديه فى كل المناسبات .

21- حسسها بلأمان بأن محدش يقدر يعملها حاجه وأنت معاها .

22- لو بتتكلموا فى حاجه وهيه بتقاطعك سيبها تقاطعك مش تعلى صوتك علشان تكمل كلامك .

23 - حسسها إنك ممكن تعمل أي حاجه علشانها مهما كانت صعبه .

كفاية كدة جرب الحاجت دية وقولي اية النتيجة
واشوفك الاستشارة الجية

انا بس هقول ملحوظه صغيوره
هو لو ضرب لبخه ووشه يحمر ولا يتكلم فى حاجات هايفه
يبقى بيحبها حب حقيقى عشان كدا قدمها مش بيعرف يعبر عنه
لكن عايز اقول ان مفيش شاب مش بيعرف يتكلم مع بنت
غير لما يكون بيبحها بجد بيجى قدامها وينسى كل حاجه
دل لو حب بجد
لكن لو بقا بتسلى يبقى يعمل كل الى فى التوبيك دا واحده واحده لانه حفظه مش فاهمه
ولان العلاقه دى بتبقى معروفه انها علاقه مش حقيقيه
وعشان اكون واضحه اكتر
ان لو فى حب الكلام هيجى واحده واحده
ولو عمل كدا بيعمل كدا علشان يرضيها ويكوت شاب مناسب فقط
لازم يعبر عن شخصيته ايا كانت هى ايه
ولو هتحبه يبقى هتحبه على ماهو عليه
والا كدا لما يتجوزو بقا كل واحد فيهم هيظهر بوشه الحقيقى ويحسوا انهم مكنوش يعرفوا
بعض
الموضوع حلو جدا بس مش كل البنات عايزه واحد يكون حافظ مش فاهم
واهم وجود الحب
هيخليهم يفهموا بعض
تسلم ايدك